Lumaktaw sa pangunahing content

Hunter x Hunter (2011) Dub Ep. 96-100: Hanggang sa Muli

(Hirap akong magsulat ng recap na ’to--parang ang pag-delay ko ng pag-post nito ay pag-delay ko rin ng hiatus ng HxH 2011 dub.)

96: Tahanang x Walang x Batas


Pati sa Meteor City, nakarating na ang Chimera Ants, kaya hiningan ng tulong ang Phantom Gang para solusyonan ito. Nagsolo sila at nag-unahan para matalo ang nagrereyna-reynahan na si Zazan:
  • Bonolenov vs. hindi-pinangalanang Chimera Ant: Dito ata natin unang nakita ang totoong itsura, background, at kapangyarihan ni Bonolenov (at ang lahat na yan ay nakakamangha). Talo ang Chimera Ant.
  • Shalnark vs. Pell: Manipulator laban sa manipulator (panalo si Shalnark).
  • Phinks vs. "langgam na mukhang bakulaw" (mismong salita ni Phinks): maikli lang ang tinagal ng laban, kung saan natalo ang Chimera Ant.
  • Pike vs. Shizuku
  • Feitan vs. Zazan

Samantala, nageespiya pala si Kalluto sa kanilang lahat. May Chimera Ant na nakakita sa kanya, pero nilampaso niya lang ito.


97: Pagpuksa x At x Pagwasak

Medyo natatagalan ang laban ni Pike at Shizuku.


Sa huli, ginamit ni Shizuku ang vacuum cleaner niya para higupin ang dugo ni Pike. Habang buhay pa ito. Tapos, binalikan niya ang katawan ng Chimera Ant para sabihin dito kung paano sana niya natakpan ang mga butas na sinipsipan ni Blinky.
Mas engot ka lang ng konti sa kin. --Shizuku
Yung mga tapos na sa kani-kanilang laban, naabutan na nakikipaglaban si Feitan kay Zazan. Namangha si Kalluto sa galing ni Feitan, at na-realize niya na marami pa siyang kakaining bigas bago maging Number 2 sa Phantom Gang at bago maatim ang gusto niya:

Si Killua di ba ang tinutukoy niya...o iba pa?

Pero hindi lang siya namangha sa lakas ng mga kapwa niya miyembro.



Nag-level up si Zazan, pati na rin si Feitan (hindi ko alam kung saang RPG pinulot ang costume niya). "Pag tinotoyo na siya" ay kailangan mo nang tumakbo palayo. (Salamat naman at may Filipino subtitle ang mga parteng naiiba ang speech pattern niya.)

Siyempre natalo si Zazan. Sinimot nila ang mga natirang Chimera Ants sa Meteor City at pagkatapos non, para lang silang magkakaklaseng naglalakad pauwi.

98: Pagpasok x At Pagpili

Sa loob ng Silangang Gorteau, pinapaliwanag ni Killua kay Gon ang background at politics ng bansang iyon. Ang dami niyang alam! Kaso, baka masyadong marami yon para kay Gon.

Sa tingin ko napigilan ko naman. --Gon

Sabi ni Killua, mag-focus na lang si Gon kay Neferpitou at ipaubaya na lang sa dating assassin ang iba pang bagay.


Pagkatapos non, naghiwalay ang dalawang bata.

Sa ibang parte ng Silangang Gorteau, hindi mapakali si Knuckle.


Naengkwentro ni Gon ang isang ahas na Chimera Ant (na dali-dali niyang tinalo) at dalawang Chimera Ant (isang mala-paniki at isang mala-kwago). Lingid sa kaalaman niya, sinusundan siya ng ika-apat na Chimera Ant.

99: Combination x At x Evolution

Sanay si Gon sa mga hayop kaya kahit nahirapan siya noong una sa sabay na ultrasonic at physical attacks ng dalawang Chimera Ant, naintindihan niya rin kung paano sila talunin.


Sinusubukang kumbinsihin ni Killua na tumakas na ang mga mamamayan ng Silangang Gorteau. Napansin ito ng mga maharlikang gwardya, kaya inutos ni Neferpitou sa grupo ni Hagia/Leol na patigilin ang kung sino mang ito na nanggugulo.

Alternative sa telepathy!

Hindi magkasundo si Knuckle at Shoot; pati na rin si Knov at Morel, kontra sa iba't ibang bagay tungkol sa politics ng Hunter Association. Naniniwala daw ba si Morel sa bali-balitang "nasuhuhulan na ng partido ng vice chairman ang buong kumite"? (Teka, ito bang unang reference kay Pariston Hill?)

Biglaang nag-announce ng martial law ang Silangang Gorteau.

100: Pagsubaybay x At x Pagtugis


Hirap na tuloy si Killua na paalisin ang mga tao.

Napansin ng Chimera Ant na si Flutter si Killua, kaya nagtago ang hunter sa gubat. Pero hindi niya matakasan ang iba pa sa grupo ni Leol! Kinailangan niya tuloy labanan ang mga ito.

Nasabi ko na ata ito dati, pero napakasarap panoorin ng mga laban ni Killua--yung mismong talento at strategy niya, pati na rin kung paano ito i-animate.

May isang Chimera Ant mula sa malayo na tinatarget siya gamit ang baril na may pulgas na bala. Para malaman ni Killua ang eksaktong lokasyon ng shooter, sadya siyang nagpatama sa bala!


Effective naman, kaya nasundan niya ang super-creepy-na-kumakanta-pa na shooter. Sa loob ng isang kweba, muntik nang mahulog si Killua sa tubig na puno ng mga kung-anong nilalang na kumakain ng tao, pero napigilan niya--gamit ang tentacles ng totoong itsura ng shooter! Ang pangalan niya ay Ikalgo, at isa siyang pugita. Ay, hindi pala.

Ganito. Ganito nagtatapos ang S2. Ito ang huling eksenang makikita natin bago mag-break ang HxH 2011 dub nang ilang buwan.

Kung susundin ang nangyari sa S1 at S2, August o September 2016 ipapalabas ang S3. Wish ko lang na kasabay ng 2016 presidential election dito iere ang Chairman Election para masaya, pero malabo ata ’yon.

At dahil Hayok Na Hayok pa rin ako sa Hunter x Hunter, baka panoorin ko uli ang dub ng ’99 anime sa MyPinoy.TV (kumpleto na ata, hanggang episode 92). Siyempre pinag-iipunan ko na rin ang US dub ng HxH (2011) mula sa Viz!

Mga Komento

Mga sikat na post sa blog na ito

Paano ba Mag-Enjoy Manood ng Dub?

(Dahil Buwan ng Wika ang Agosto, gusto ko pag-usapan ang pagiging available ng anime sa iba't ibang wika: ang anime dub. At ang post na ito ay mababasa sa Filipino at Ingles.)

Para sa katulad ko na nakilala ang anime sa pamamagitan ng mga dub na inere sa TV, hindi mahirap sa akin na manood pa rin ng dubbed anime sa panahong ito ng mga libre at hindi libre na legal stream, bukod pa sa 24-hour TV channel ng English-subbed anime. Pero hindi lang ’yan dahil sa nostalgia o dahil nakasanayan ko na na sumubaybay sa anime araw-araw, ha! (Sa katunayan, nagkaroon din ako ng "SUBS ONLY, DUBS SUX" phase.) Sa pagdaan kasi ng panahon, natutunan kong mag-appreciate ng anime sa anumang wika na kaya ko silang intindihin. At ang mga susunod ay ang mga inaalala ko para magawa ’yon.

How to Enjoy Dubs

(August is National Language Month in the Philippines, so I'd like to talk about enjoying anime in different languages: the anime dub. This post can be read in English and Filipino.)

Coming from the generation who were introduced to anime through dubs aired on TV, it's not hard for me to still enjoy them even in this time of free-and-paid legal streams and a 24-hour TV channel of English-subbed anime. But it's not from the mere childhood nostalgia or habit of tuning in to your TV daily for that new episode (in fact, I underwent a "SUBS ONLY, DUBS SUX" phase too!). Over time, I've come to appreciate anime in as many languages I can understand them in. And to be able to do that, I keep the following in mind.

Hunter x Hunter (2011) Filipino Dub: First Impressions

Panoorin ang Hunter x Hunter (2011) tuwing Lunes hanggang Biyernes, 7:35 - 8:00 n.u., sa GMA.

Hindi ko naabutan ang unang "season" (episodes 1-50) ng Hunter x Hunter (2011) sa GMA, kaya ngayon ko lang mapapanood ang dub. Heto ang first impressions ko.