Lumaktaw sa pangunahing content

Hunter x Hunter (2011) Dub Ep. 91-95



OK lang guys, alam kong gusto niyo na mag-skip papunta sa "Date x With x Palm" episode.

91: Ang Malakas x At x Mahina

Pinanganak na ang hari.

Niluwal siya na may helmet at chaleco, pero walang salawal.
Pero nag-aagaw buhay ang reyna. Humingi ng tulong si Colt kay Pitou para gamutin ang reyna gamit ang Nen niya, at ito ang sagot niya:

Harsh.

Desperado, lumapit na si Colt sa mga hunter (Knov at Morel).

Speaking of hunters, pumasok na sina Knuckle at Shoot sa NGL (sila ang mga nanalo sa challenge). Masakit ang loob ni Gon dahil sa kahinaan niya. Bukod pa ’ron, isang buwan siyang hindi makakagamit ng Nen bilang epekto ng technique ni Knuckle. Kaya naman nangako si Killua sa sarili niya...
Gon, sa loob ng isang buwan na hindi ka makakagamit ng Nen, poprotektahan kita. Gagawin ko ang lahat...kahit anong kinakailangan. At pagkatapos no’ n, paalam na. --Killua

92: Isang Kahilingan x At x Dalawang Pangako

Kapalit ng impormasyon mula kay Colt, pumayag magbigay ng medical assistance ang Hunter Association para sa reyna. Tinantiya ni Netero ang kapangyarihan niya kumpara kay Meruem. Tapos, umalis ang chairman para pumunta sa isang kaibigan.

Karamihan sa mga Chimera Ants ay umalis na sa lungga, na mabuti na rin dahil pumasok doon ang hunters at medical team. Sinubukan nilang iligtas ang reyna, pero wala na silang nagawa. Bago siya nalagutan ng hininga, nagbigay ng huling habilin ang reyna ng Chimera Ants.


Hindi nila inaasahan na may isa pa palang nilalang na natira sa sinapupunan ng reyna. Inako ni Colt ang responsibilidad na palakihin at protektahan ito (naalala niya siguro noong isa pa siyang kuya). Nangako siya na hindi na sila kakain ng tao, at bilang kapalit, nangako rin si Morel...

(sabay singhot)


Bago pa man makabalik sa siyudad, naka-recover na si Gon. (Sabi ng kapatid ko na nagtuturo sa isang all-boys school, mabilis daw talaga makabawi ang mga batang lalaki pag masama ang loob nila - halimbawa na lang, pag napagalitan.)

:(

Nag-chikahan muna sila, at tinanong ni Gon si Spin kung bakit nito ginusto maging hunter (mayroon bang notebook si Gon ng mga sagot sa tanong na ’to? Kasi noong isang linggo, tinanong niya rin si Knuckle nito, ’di ba?)

Sabi ni Spin, dahil sa pera. Binili niya ang isang lupain na may small-billed swans at gusto niyang pag-aralan kung bakit sa palibot lang ng mga minahan nakatira ang mga ito.
Ang larawan ng libo-libong small-billed swans na nagliliparan kasabay ng pagsikat na araw...yun ang pinakauna at pinakalumang alalala namin ni Stick ng kabataan namin. At hindi ’yon magmamaliw, kahit hanggang sa pagtanda namin. --Spin
Samantala, nahanap na ng punitive forces si Kite.

93: Date x With x Palm (AKA ang rom-com two-parter)

Sinimulang sakupin nina Meruem at mga maharlikang gwardya ang Republika ng Silangang Gorteau, pero wag na ’yon ang pag-usapan natin, dahil...

ANO RAW?!

Dahil natalo sina Gon at Killua, hindi makakapunta sa NGL si Palm (ibig sabihin, hindi niya rin makakasama ang mahal niyang master), kaya kailangang bumawi ng mga bata. Ang hiling ni Palm, mag-date sila ni Gon. Pumayag naman ang loko (pero tutol na tutol si Killua!).

Palm, sa araw ng date.

Hindi kapani-paniwala, lalo na kay Killua:

Guys, panoorin niyo na lang ang episode na ’to (may sample clip ng Fil. dub dito). Tinitiyak ko na sa kahit anong wika pa yan, mamamatay pa rin kayo sa katatawa!

May isang bagay na hindi ko napansin noong unang panood ko ng Fildub, at nadiskubre lamang habang sinusulat ang post na ito. Sa gym, inusisa ni Killua si Gon tungkol sa karanasan ng huli sa pagda-date. Ganito ang tinakbo ng usapan nila:
Killua (K): Gon, ang galing mo kanina!
Gon (G): Huh? Bakit?
K: Eh kasi naman nung nakikipag-usap ka kay Palm kanina, parang sanay na sanay ka sa ganung bagay.
G: Ganon?
K: Hm...teka, matanong nga kita.
G: Hm?
K: May karanasan ka na ba sa pakikipag-date?
G: Oo, meron na.
K: (!)
G: Marami na. Pero karamihan don, si Tita Mito lang ang ka-date ko.
K: Ah. Okey. Ano pa nga bang maaasahan sa ’yo... TEKA, ibig sabihin, nakipag-date ka na rin sa iba?
G: Oo! Yung ibang mga bangkang tumitigil sa Whale Island, puro babae. Pero ayaw nila ng mas matanda o ka-edad nila. Gusto lang nila ng mga mas batang lalake. Nililibot ko sila sa buong baryo. Marami silang tinuturo sa ’kin.
K: ("Maraming tinuturo"? I-ibig sabihin...marami na siyang alam!)
G: Ehe. Ang sabi nila sa ’kin, ang tawag daw sa mga babaeng ganon, "maniac."

Hindi ko alam ang eksaktong salita sa Japanese o ang ginamit sa official subs, pero dito, maniac (English pronunciation) ang ginamit ni Gon. Binalewala ko lang ito noong una kasi nga mas marami pang kahina-hinalang bagay ang nagmula sa usapang ito (anu-ano ang mga "tinuturo" nila kay Gon?!)...hanggang may na-realize ako.
maniac manyak (pervert)
Panggulo lang ang English pronunciation.

94: Kaibigan x At x Paglalakbay

Habang patapos na ang date ni Gon at Palm, hinarap naman ni Killua ang new-and-improved Ramot. Sa loob-loob ni Killua, kailangan niya labanan ang negative programming niya para lumakas. Para maprotektahan si Gon. Para pwede siyang manatili sa tabi nito.

At nagawa niya - isa palang sinulid ni Illumi ang naglilimit sa kanya sa mga laban, at natanggal niya ito. Nabunutan talaga ng "tinik" si Killua.

Sa puntong ito, 44 episodes na ng Fildub Hunter x Hunter (2011) ang napapanood ko, at masasabi ko na ang eksenang iyon ang paborito ko (so far) na dramatic voice acting ni Charmaine Cordoviz para kay Killua. Aantabayan ko ang voice acting niya sa episode 124! Naisip kong i-upload ang mismong clip, pero hindi bibigyan ng hustisya ng tunog-lata ko na recording ang eksensa na ’yon. Pasensya na.)

Anyway, nauwi sa kapalpakan ang date, dahil sinabi ni Gon na hindi niya kayang ibigay ang gusto ni Palm: kailangan niya kasing magpalakas para bawiin si Kite.

Pinanagutan nga niya talaga.

Ganito sila dinatnan ni Killua. Nagtalo si Killua at Palm, at bago pa mauwi sa saksakan, tinakas ni Killua si Gon. Sasabihin ko uli na panoorin niyo na lang (kahit anong lenggwahe pa yan), kasi sobrang nakakatawa (sample clip dito)!

Bago pa man mahanap ni Palm ang mga bata, nakasalubong niya ang master niya. Pinakalma ni Knov ang apprentice niya.

Totoo ba ’to, o delusyon lang ni Palm?

Haaay, salamat sa dalawang episode na ’to na naka-sandwich sa mga malulungkot na episode.

95: Poot x At x Takot

Inambush ni Morel at Knuckle si Cheetu, at sa ngayon, nakadikit na si Potclean sa pinakamabilis na Chimera Ant.

Kage Bunshin Technique!

Pagkatapos nito, pinakita na kina Gon at Killua ang nailigtas na Kite.

Tama na...

Ngayon, makakasama na sina Gon, Killua, at Palm sa pagpuksa sa mga Chimera Ants. May malaking pagtitipon ng mga mamamayan ng Silangang Gorteau pagkatapos ng 10 araw, at doon nakasentro ang plano ng mga hunter.

Sinubukan muna ni Morel kung sapat ang lakas ni Gon para makasama siya sa team. Nilabas ni Gon ang lahat at muntik pang mapatay si Morel (sabi mo kasi, huwag mag-alinlangan si Gon!)

Pero isang tapik lang ni Killua, kumalma na ito.

At naghatian na sila: Gon at Killua kay Neferpitou, Shoot at Knucle kay Youpi, Morel at Knov (pati ba si Palm?) kay Pouf, at si Chairman kay Meruem.


Last week na ng S2 sa susunod na linggo!

Para naman sa mga tantiya ko sa dubbers:
  • Jeff Utanes: Octopus (nailista ko na ba siya?)
  • Michiko Tiongson (?): Surgeon, Reporter
  • Anthony Steven San Juan (?): Meruem, Diego

Mga Komento

Mga sikat na post sa blog na ito

Paano ba Mag-Enjoy Manood ng Dub?

(Dahil Buwan ng Wika ang Agosto, gusto ko pag-usapan ang pagiging available ng anime sa iba't ibang wika: ang anime dub. At ang post na ito ay mababasa sa Filipino at Ingles.)

Para sa katulad ko na nakilala ang anime sa pamamagitan ng mga dub na inere sa TV, hindi mahirap sa akin na manood pa rin ng dubbed anime sa panahong ito ng mga libre at hindi libre na legal stream, bukod pa sa 24-hour TV channel ng English-subbed anime. Pero hindi lang ’yan dahil sa nostalgia o dahil nakasanayan ko na na sumubaybay sa anime araw-araw, ha! (Sa katunayan, nagkaroon din ako ng "SUBS ONLY, DUBS SUX" phase.) Sa pagdaan kasi ng panahon, natutunan kong mag-appreciate ng anime sa anumang wika na kaya ko silang intindihin. At ang mga susunod ay ang mga inaalala ko para magawa ’yon.

How to Enjoy Dubs

(August is National Language Month in the Philippines, so I'd like to talk about enjoying anime in different languages: the anime dub. This post can be read in English and Filipino.)

Coming from the generation who were introduced to anime through dubs aired on TV, it's not hard for me to still enjoy them even in this time of free-and-paid legal streams and a 24-hour TV channel of English-subbed anime. But it's not from the mere childhood nostalgia or habit of tuning in to your TV daily for that new episode (in fact, I underwent a "SUBS ONLY, DUBS SUX" phase too!). Over time, I've come to appreciate anime in as many languages I can understand them in. And to be able to do that, I keep the following in mind.

Hunter x Hunter (2011) Filipino Dub: First Impressions

Panoorin ang Hunter x Hunter (2011) tuwing Lunes hanggang Biyernes, 7:35 - 8:00 n.u., sa GMA.

Hindi ko naabutan ang unang "season" (episodes 1-50) ng Hunter x Hunter (2011) sa GMA, kaya ngayon ko lang mapapanood ang dub. Heto ang first impressions ko.